Павлодар облысында қоқыс жәшігінен сәбидің өлі денесі табылды. Бұл туралы облыстық денсаулық сақтау басқармасының баспасөз қызметі мәлімдеді.
Баланың денесі табылған соң полицейлер бірден сәбидің анасын іздеген. Шақалақты босанған Ефремовка ауылының тумасы, қазіргі уақытта Ақсу қаласында тұратын азаматша болып шыққан.
Бойжеткен ата-анасынан жүкті екенін жасырып, үйінде босанып алған.
Денсаулық сақтау басқармасының мәліметіне сәйкес, оқиғадан кейін бойжеткен аурухананың гинекология бөліміне тексеруге жіберілген.
Қазір оған психологиялық және медициналық көмек көрсетілуде. Ал баланың қалайша қоқыс арасына түскенін полицейлер анықтап жатыр. Олар нәрестенің мерзімі жетіп туылғанын да айтты.
