“Парта сынып, бас жарылды”. Шығыс Қазақстанда сабақ үстінде төбедегі сылақ құлады
ШҚО білім басқармасы Шемонаиха ауданындағы мектепте сыныптың төбесіндегі сылақ құлауы салдарынан жарақат алған оқушылардың жағдайы бірқалыпты екендігін хабарлады.
Қазіргі таңда олардың өміріне қауіп төніп тұрған жоқ деп хабарлады ҚазАқпарат.
«Балалар таңға дейін дәрігерлердің бақылауында болады, одан соң олар үйлеріне жіберіледі. Ал оқу басқа сыныпқа ауыстырылды» делінген хабарламада.
Еске сала кетейік, Шемонаиха ауданы Усть-Талов ауылы Астафьев атындағы орта мектепте күндіз сыныптың төбесіндегі сылақ құлап түскен. Оқиға салдарынан 3-сыныптың төрт оқушысы зардап шекті: екеуі – қыз бала, екеуі – ұл. Үшеуінің миына зақым келген, біреуінің қолы сынған. Оқушылар орталық аудандық ауруханаға жатқызылды.
Сылақтың қалыңдығы 10 см болған. Кесек сылақтар құлап түскен сәттегі соққының күшті болғандығы сондай, парталардың бірінің беті қақ бөлініп түскен.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз