Маған ақыл қосыңыздаршы. Өзім не ойларымды да білмей қалдым. Жасым 23-те. 5 жыл бір жігітпен жүргем. Арасында ұрысып та жүрдік. Бірақ қазір жақсы көрмейтін сияқтымын. Арамызда жақын қарым-қатынас болған. Соны ойлап бəрі үшін көнем деп ойлаған едім, енді ол шектен шықты. Не үшін болдың? деп ойлайтын шығарсыздар. Бұл өзімнің ойымның таяздығы.
Бірінші жылы ол маған егер қыз болсаң дəлелде деген, мен келіспей жүрдім бірақ ол демек қыз емессің, онда неге кашасың, мен сенбеймін саған дейтін, ал бұл уақыттарда мен оны жақсы көретінмін. Сонымен екінші жылы оның дегені болды. Сол кезде мен қыздың тазалығы соншама маңызды екеніне миым жетпепті. Негізі мамам айтатын бірақ ол уақыттарда мəн бермеппін. Енді қазір қатты өкінем. Егер бұл жігіт бұндай болмаса өкінбес едім.
Уақыт өте келе мен оны қаламасам да ол маған күш қолданатынды шығарды. Бірде тіпті қарсыласқанымда бетімді тістеп алды батырып, зорлады. Жаныма батқаны да осы. Сол жерде неге өліп кетпейді екенмін деп ойладым. Бұл жағдайдан соң оған ештеңе дегім келмеді. Сөзім жоқ оған айтатын.
Мен ылғи да ол түзеледі, маған тиіспейді деген үміт болды. Əр кездесуге шыққанда бұлай болмайды, жай ғана серуендеп қайтамыз деп ойлайтынмын. Бірақ енді бұл үміт енді менде жоқ. Онымен сирек кездесуге тырысам. Егер біз ерлі-зайыпты адам болсақ, бұл туралы үшін ешқандайда өкпе-реніш болмас еді, бірақ біз ондай емеспіз сол үшін жыным келеді. Дəл қазір оны жек көріп жатырмын. Соңғы оқиғадан кейін кешірім сұрады, бірақ кешірмеймін дедім. Не ойларымды да білмеймін. Жек көрем оны.
Маған ақыл қосыңыздаршы мен не істейін? Онымен сөйлеспей, болашақта басқа адаммен сөйлесетін болсам менің бұл жағдайымды қалай қабылдар екен? Мен оны жақсы көрмеймін, сезімім өшті.
Бұл сезімнің өшкеніне де біраз уакыт болды, тек одан үміттендім, мүмкін қайта жақсы көрермін деп, бірақ бұл сезімде ол жек көрушілікке айналдырып жіберді. Осының кесірінен басқа адамды да жақсы көре алмаймын ба деп қорқам. Өйткені біреуді ұната алмаймын, енді мен ешқашан ешкімге ғашық бола алмайтын шығармын.
Дереккөз: alashainasy.kz