Республика басшысы шет елдерден тасымалданатын тауарларды қысқартуды ұсынды. Өйткені Өзбекстанда импорт көлемі экспорттан едәуір артық екен.
Мирзияевтың айтуынша, 2018 жылдың алғашқы айларындағы көрсеткіштер де көңіл көншітпейді екен, деп хабарлайды Sputnik.
Өзбек президентінің пікірі бойынша, кейбір сала және өңір басшылары осы мәселедегі өздерінің жауапкершілігін жете түсініп отырған жоқ екен.
Соның салдарынан экспорт көлемін арттыру жөніндегі мүмкіндіктер толық пайдаланылып отырған жоқ.
Бұдан бөлек, мемлекет басшысы 1-жартыжылдықта
экспорт көлемін 25 процентке арттырып, оның жалпы сомасын 5,8 млрд долларға жеткізуді тапсырды.
Сондай-ақ Мирзияев экспорт бойынша болжамалы көрсеткіштерді 100 проценттен жоғары көлемде орындауды қатаң тапсырды.
https://kaz.365info.kz/karimovtyn-musorysyndar-mirziyaev-ne-byldirip-zhatyr-video-305346
Осының алдында 2018 жылы Өзбекстанда импорттың жалпы көлемі 4,8 млрд долларға жуық соманы құрап, 2017 жылдың тиісті мерзімімен салыстырғанда, 30 процентке артқаны хабарланған болатын.