Кейбіреулер ақша табудың оңай жолы – семинар-тренинг, мастер-класс өткізу деп санайтын сияқты. Әрине, білімің асып-тасып, қоғамда ірі сұранысқа ие болып, лайықты бағаланып жатса, ондай оқыту түрлерін неге тиімді пайдаланбасқа.
Алайда, мұндай бастаманы шала сауаттылар қолға алып жатқаны алаңдатады. Таяуда журналистика мамандығының студенттеріне өткізген кезекті дәрісімнен кейін бір бала сұрақ қойып, мектеп бітірерде өзінің семинар-тренингте алған мәліметін ортаға салды. Дәл сол тақырып бойынша мен талай рет академиялық лекция оқып, БАҚ қызметкерлеріне ертеректе семинар-тренинг те өткізгенмін. 2002 жылы жарыққа шығарған бір оқулығыма да енгені бар еді. Ал, әлгі балаға білім берген тренер ол тақырыпты мүлде кереғар қате түсіндірген. Бәлкім, семинар өткізгіш мырзаның өзі де түсінбеген болса керек. Принциптік, концептуалдық қате дүниелерін бес-он теңге үшін жастарға тықпалауын бұл халтурщиктер қашан қояр екен? Ар-ұятты ойласа ғой.
Қуандық Шамахайұлы
Фейсбуктегі парақшасынан