Өзбекстанда ірі жемқорлар қамаудан босатылды – БАҚ шолуы

Сыбайлас жемқорлыққа қарсы агенттік Олий Мажлистің заң шығару палатасына сыбайлас жемқорлық қылмыстары үшін жауапкершілікті күшейту туралы заң жобасын ұсынды.

— Елеулі өзгерістерге келетін болсақ, сыбайлас жемқорлыққа қатысты қылмыстар жасағаны үшін жаза қатаңдатылуда, – деді ведомство басшысы Акмаль Бұрханов.

Заң жобасында “сыбайлас жемқорлыққа қатысты қылмыстар” ұғымы нақты анықталған. Оларға қылмыстың 15 түрі жатқызылған. Парақорлыққа байланысты қылмыстарға кінәлілер шартты түрде мерзімінен бұрын босатылмайды, ал үкімдер неғұрлым жеңіл түріне ауыстырылмайды.

Белгілі болғандай,

колониялардан сыбайлас жемқорлық жасағаны үшін сотталған бұрынғы жоғары лауазымды шенеуніктерді босата бастады

Ақпарат көздері ірі сыбайлас жемқорлық әрекеттеріне кінәлі деп танылған Бас прокурордың бұрынғы орынбасары Ұлықбек Суннатовтың шартты түрде мерзімінен бұрын босатылғаны туралы хабарлады. 2019 жылдың маусымында ол 19 жылға бас бостандығынан айырылған болатын.

Бұдан өзге, ұлттық қауіпсіздік қызметі (қазіргі мемлекеттік қауіпсіздік қызметі) төрағасының бұрынғы орынбасары Шухрат Ташпулатов Ташкент облысының Галлакудук кентіндегі қоныс-колонияға ауыстырылды. 2019 жылы ол 12 жылға бас бостандығынан айырылды.

Босатылғандардың арасында Ташкент қалалық прокуратурасының тергеу басқармасының бұрынғы бастығы Ұлықбек Нұриддинов та бар.

Бюджет қызметкерлерінің есебінен абаттандыру

Қашқадария облысында мектеп мұғалімдері мен балабақша тәрбиешілерін жаппай өз қаражаты есебінен ағаш отырғызуға мәжбүрлеген.

Облыстық әкімшіліктің Telegram каналында таратылған хабарландыруда бұл облыс басшысының бұйрығы екендігі айтылған. Келесі күні премьер-Министрдің орынбасары Шухрат Ганиев тікұшақпен аймақты айналып өтпек болған, сондықтан басшылық осылай “әбігерге түсуде”.

Ағаштар тек мектептер мен балабақшаларда ғана емес, сонымен қатар басқа кәсіпорындар мен ұйымдардың аумағында да отырғызылды.

– Хокимият бізге бірде-бір көшет берген жоқ.

Біз мұғалімдерден өзіміз ақша жинадық, көшеттерді базардан, орман шаруашылығы басқармасынан сатып алдық,

содан кейін оларды мектеп аулаларындағы бос жерлерге отырғызды. Ең бастысы, тапсырма орындалды. Бұл көшеттерді ертең алып кете ме, әлде суарыла ма – бұл екінші реттегі мәселе, әзірге бұл туралы ешкім білмейді”, – деді атын жасырған Миришкор мектептері бірінің мұғалімі.

Атын атамауды өтінген басқа мектептің директоры мұғалімдердің өз есебінен көшет сатып алуға мәжбүр болғанын растады.

– Ағаш отырғызу үшін бізге ешкім бір тиын да, көшет те берген жоқ.

Бізге өз мектебіміздің ауласына 160 көшет отырғызу туралы қатаң бұйрық берілді

Біз мұғалімдерден ақша жинап, бадам, шырша және қарағай сатып алдық. Бадам көшеттері өте қымбат, әрқайсысы бес мың сом тұрады. Бізге 50 дана сатып алуға тура келді. Бұл жолы мұғалімдер Президенттің бұйрығын орындамағаны үшін кінәлі деп танылды”, – деп шағымданды мектеп директоры.

Басқа мектептің директоры өз қаражаты есебінен көшет әкелген мұғалімдерге “рейтинг жүйесіндегі ұпайларын көтеруге” кепілдік бергенін айтты.

— Жалпы, біз 300 ағаш отырғыздық – бұл өрік, алма, шие, терек, тұт ағашы және қарағайлар. Мен мұғалімдерге жасыл аймақ үшін бөлек рейтинг жасадым. Мұғалімдер көшеттерді өздері сатып әкелді. Мэрий де беруге уәде берді, бірақ бұл уәде қашан орындалатыны белгісіз. Әзірге барлығын өз есебімізден отырғызып жатырмыз, – деді ол.

2 қарашада видеоселекторлық жиында Шавкат Мирзиеев “Яшил макон” (“Жасыл кеңістік”) жалпыұлттық жобасын іске асыру қажеттігі туралы мәлімдеді. Ол ағаш отырғызу үшін “40 күндік мерзім” (10 желтоқсанға дейін) жариялады. Жоба бойынша жылына 200 миллион ағаш пен бұта көшеттерін отырғызу, сондай-ақ қалалардағы жасыл аймақтар алаңын қазіргі сегізден 30 пайызға дейін ұлғайту жоспарлануда.

Неліктен жүргізушілерге газбен шабуыл жасалды?

Жақын күндері әлеуметтік желілерде Чиракчи ауданында бір топ жүргізушілер жолды жауып, заңсыз тәркіленген құжаттарын қайтаруды талап еткені туралы видео тарады. Оларға ЖПҚ формасы мен қара бетперде киген екі ер адам шабуыл жасады.

Видеода “қара маскадағы” екі ер адамның да оң қолында таяқшалары бар, ал сол қолына ұзындығы шамамен 10-15 см газ баллондар ұстаған. Сондай-ақ, олардың біреуі қалай газ баллонын қолданғаны көрсетілген. Оны қолданған кезде газ баллонын шашыратқан кездегідей дыбыс екі рет естіледі.

Оқиғаны түсірген жас жігіт адамды газ баллонымен уландыруға бола ма деп сұрады. Видеода барлық адамдардың бір мезетте қалай жөтеле бастағаны көрсетілген. Олардың көпшілігі ауыздарын киімдерімен жауып, ал егде жастағы әйел адам жерге отыра кетті. “Газ баллонының әсерінен әженің халі нашарлап кетті”, “жедел жәрдем шақырыңыздар”, “адамдарды газ баллонымен уландырудың қажеті не еді” деген сөздер естіледі.

Бір күннен кейін аймаққа Ішкі істер министрі Пулат Бобожонов келді. Ол бірқатар шенеуніктерді жұмыстан шығарып, 33 қызметкерге тәртіптік жаза қолданды. Алайда министрліктің баспасөз қызметі айтқандай,

министрдің бұл өңірге сапары алдын-ала жоспарланған және бұл жазалау мен жоғарыда аталған оқиғалар арасында ешқандай байланыс жоқ

Жасырын куәгерлердің бірі оқиғаға қатысты өз нұсқасын айтты. Оның айтуынша, таяуда күш құрылымдары рейд жүргізіп, машиналарды айып тұрағына алып кеткен. Иелері наразылық білдіріп, Чиракчидегі ГАИ постының алдындағы көпірге жиналған, сол жерде оларға “қара бетперде кигендер” шабуыл жасаған.