Нұр-Сұлтан
Қазір
-9
Ертең
-11
USD
420
0.00
EUR
501
0.00
RUB
5.62
0.00

Өзбекстанда Гүлнар Кәрімованың орнына «жаңа ханшайым» табылды – БАҚ-қа шолу

Президент Шавкат Мирзиеевтің үлкен қызы Өзбекстандағы танымал адамдардың біріне айналды, деп жазады Озодлик.

Саида Мирзиееваның артып келе жатқан танымалдығы оның алдындағы сәнқой Гүлнар Кәрімовамен салыстыруға алып келді.

Қазір Кәрімова темір тордың ар жағында.

Үш баланың анасы, 36 жастағы Саида Мирзиеева ресми кездесулерге жиі қатысады, халық алдында сөз сөйлеп және еліміздің өңірлеріне де, шетелге де іссапарларға шығады. Ол қайырымдылық және мәдени іс-шараларда Мирзиеевтер тобының қалған мүшелерімен бірге жиі жүреді.

Табысты кәсіпорындардың кең портфелін бақылайтын Кәрімовадан айырмашылығы – Мирзиеева кәсіпкерлікпен тікелей айналыспайды.

Бірақ оның күйеуі Ойбек Тұрсынов 2016 жылы Мирзиев билікке келгеннен кейін бірнеше банктік және инвестициялық мәмілелермен байланысты болды. Тұрсынов сонымен бірге қайын атасының кеңсесінде, яғни Президент Әкімшілігінде жұмыс істейді.

Қоғамдық имиджі мұқият ойластырылған Мирзиеева өзін журналистер мен әйелдер құқығын қорғаушы ретінде көрсетеді.

Президент деңгейіне сәйкес дайындық

Жақында тұңғыш қызы барған Оңтүстік Карши қаласының бірнеше жергілікті тілшілерінің айтуынша,

оның келуіне дайындық өте мұқият болған, тіпті мемлекет басшысының деңгейіне сәйкес келді.

Ауқымды дайындық іс-шаралары Мирзиееваның “Жан көзі” қайырымдылық жобасы аясында сапарынан бір апта бұрын басталды.

Ол келеді деп жоспарланған журналистер орталығы кенеттен жөнделді. Журналистердің айтуынша, суық ауа-райына қарамастан, қыстың ортасында аулада гүлдер отырғызылды.

Олар іс-шараға шақырылған жергілікті тілшілер COVID-19-ға ПЦР-тест тапсыруы керек болғанын да айтты.

Жөндеу жұмыстары аяқталғаннан кейін қауіпсіздік қызметі ғимаратты іс-шараға дейін жабық ұстады. каршилік журналистің айтуынша, мұндай жоғары деңгей, әдетте, Президенттің сапарларына байланысты ғана орыйластырылады.

Кәрімоваға пара бермеді ме?

Дейтұрғанмен,

Швеция соты Telia (бұрынғы атауы Teliasonera) компаниясының бұрынғы басшыларына қатысты ақтау үкімін қолдады.

Компанияның бұрынғы үш басшысы Өзбекстанның бұрынғы президентінің қызы Гүлнар Кәрімованың оффшорлық компанияларының шоттарына ақша аударды деген күдікке ілінді.

Өзбекстанның телекоммуникация нарығына кіру үшін пара ретінде шамамен 320 миллион доллар берді деген ақпарат бар.

Бұл күдіктер алғаш рет сыбайлас жемқорлық пен ұйымдасқан қылмысты зерттеу орталығы мен Швецияның SVT телеарнасының журналистері жүргізген тергеуде айтылды.

2019 жылдың ақпан айында Стокгольм соты оларды кінәсіз деп таныды. Судьялар Telia-ның бұрынғы басшылары Кәрімоваға “техникалық тұрғыда” пара берген жоқ деп санайды.

Дәл осы заңды шектеулерге байланысты

швед соты бұл жолы Telia компаниясының бұрынғы басшыларына қатысты шығарылған ақтау үкімін қолдады.

2019 жылдың наурызында Швеция прокуратурасы Стокгольм сотының 37% акциясы үкіметке тиесілі Telia (бұрынғы TeliaSonera) компаниясының бұрынғы басшыларына қатысты үкіміне шағым түсірді.

Гүлнар Кәрімоваға Telia компаниясын Өзбекстан нарығына шығарғаны үшін 350 млн доллар көлемінде пара берді деп айыпталған Telia компаниясының бұрынғы атқарушы директоры Ларс Нюберг, бұрынғы қаржы директоры және вице-президенті Теро Кивисаари, сондай-ақ осы компанияның Еуразиялық бизнес бағытының бұрынғы бас кеңесшісі Ули Туима 2019 жылғы 15 ақпандағы сот үкімімен кінәсіз деп танылды.

АҚШ-та процесс жалғасады

Сот процесі барысында

ақша Гүлнар Кәрімованың қалтасына кетуіне қатысты ешқандай күмән айтылмады.

Прокуратура оффшорлық компаниялардың шоттарына ақша аудару пара беру екенін дәлелдеуге тырысады. Алайда ол мұны істей алмады.

– Прокуратура Гүлнар Кәрімованың телекоммуникация саласында қандай да бір қызмет атқарғанын дәлелдей алмады, – деп атап өтті судья Керстин Элсерт.

Енді Швецияның Бас прокуратурасы Жоғарғы сотқа апелляциялық шағым бере алады.

Швецияның Бас прокуроры Ким Эндрюс OCCRP өкілімен әңгіме барысында былай деді:

“Сыбайлас жемқорлық заңнамасын осылай түсіндіру – оны қорлау”

– Бұл швед компаниялары диктаторларға немесе олардың отбасы мүшелеріне пара беру арқылы өз істерін шеше алатындығын білдіреді. Алдын ала шешім Швецияның мұндай арам істерді болдырмау жөніндегі халықаралық міндеттерін орындай алмайтындығын білдіреді. Біз қалдырған қателікті басқа Еуропа елдері мен АҚШ ақтауы керек”, – деді Бас прокурор.

OCCRP журналисі Ола Вестерберг жазғандай, Ньюберг пен басқа айыпталушыларға қатысты іс кем дегенде АҚШ-та жалғасып жатқан болуы мүмкін. Адвокаттардың айтуынша, АҚШ үкіметі оларға қарсы жеке сот ісін қозғауы мүмкін. АҚШ Әділет министрлігінің өкілі Швеция сотының соңғы шешіміне түсінік беруден бас тартты.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз