Өзбек түрмесінде қамауда жатқан отандасымыздың атын жамылып алаяқтар ақша жинап жүр
Виталий Ненченкоға қаражат қажет деген желеумен белгісіз біреулер жұрттан жылу жинамақ болған. Тіпті, киви әмиян номерін де жарнамалап, ғаламторға шығарып үлгеріпті. Ал, Виталийдің туыстары болса, бұған біздің қатысымыз жоқ деп отыр, – деп хабарлайды КТК арнасы.
“Біз киви әмиян жасаған жоқпыз. Сондықтан жұртқа алақан жаятын жағдайда емеспіз. Алайда, біреулер біздің атымыздан ақша жинамақ болған. Бұл масқара ғой”, – дейді Виталий Ненченконың қарындасы Юлия Медведева.
Виталийдің жақындар жарнамадағы нөмірге хабарласып та көрген. Алайда, онымен байланысқа шығу мүмкін емес. Сондықтан жұртты алаяқтардың құрығына түсіп қалмауға шақырады. Өздері де полицияға шағым жазып жатыр. Ал, көріші елдің абақтысында жатқан отандасымыздың жағдайы сол күні белгісіз. Естеріңізге сала кетейік, демалысында отбасымен бірге Өзбекстандағы туыстарын араламақ болған Виталий Ненченко қамауға алынған болатын. Бұған WhatsApp месенджері арқылы келген екі бейнеролик себеп. Енді оған Өзбекстан заңы бойынша, экстремизмді насихаттады деген желеумен 10 жылға дейін сотталу қаупі төніп тұр.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз