Нұр-Сұлтан
Қазір
17
Ертең
14
USD
427
0.00
EUR
515
0.00
RUB
5.72
0.00

Өткен сессия саяси жаңғырудың кезеңі болды – Нұрлан Нығматулин

Бұл туралы ҚазАқпарат хабарлады.

«Біз бүгін екінші сессия бойынша Мәжілістің соңғы жалпы отырысын өткізіп отырмыз. Бұл сессия Мәжіліс тарихындағы ең маңызды кезеңдердің бірі болды деп айтуға болады. Себебі осы уақытта біздің Қазақстанымыздың Тәуелсіздігіне 25 жыл толды.

Осыған байланысты депутаттардың белсене қатысуымен Қазақстан Тәуелсіздігіне 25 жыл тарихи Декларациясы да қабылданды.

Сонымен бірге Елбасы Нұрсұлтан Әбішұлы Назарбаевтың бастамасымен ірі конституциялық реформа жүргізілді, оны сапалы заңмен қамтамасыз ету үшін біздің депутаттарымыз үлкен жұмысты атқарды. Нәтижесінде, еліміздің Конституциясына, басқа да көптеген маңызды заңдарға өзгерістер енгізілді», – деді Нұрлан Нығматулин.

Оның сөзіне қарағанда, тағы бір үлкен өзгерістің бірі – Мәжіліс жұмысының ашық болуы.

«Өздеріңіз жақсы білесіздер,

сессия ашылғаннан кейін жалпы отырыстар және үкімет сағаттары онлайн режімде бүкіл республикаға көрсетілді.

Бұл Мәжіліс жұмысын бұрынғыдан да ашық етті. Сонымен қатар бізде өткен шараларға мемлекеттік органдармен бірге, қоғамдық ұйым мүшелері, Мәжіліске кірмеген партиялар қатысып, олармен бірге жұмыс атқардық. Осылардың барлығы жұдырықтай жұмылып, бірлесе жасалған жұмыстың нәтижесі деп айтуға болады»,-деді Нұрлан Нығматулин.

Атап айтқанда, осы сессияда Мәжілістің 38 жалпы отырыс өтіп, онда 226 мәселе қаралды. Аталған кезеңде палата 84 заң жобасын талқылап, мақұлдап, Сенатқа бағыттады.

«Бұл – айтардықтай жақсы жұмыс көлемі. Сонымен қатар 16 үкімет сағаты, екі парламенттік тыңдау, 25 дөңгелек үстел, Мәжіліс комитеттерінің 17 көшпелі отырысы және 4 халықаралық ғылыми-тәжірибелік конференция өткізілді», – деді Мәжіліс төрағасы.

Мұнымен қоса, ол бұл сессияда Мәжіліс депутаттары 15 заң жобасына бастамашы болып, соның онын қабылдады.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз