Отандық зілтеміршілер спортқа мүлдем оралмауы мүмкін
Еліміздің зілтеміршілері тағы да үлкен дауға қалды. Себебі Халықаралық ауыр атлетика федерациясы допинг дауынан соң, ұлттық құраманы бір жылға спорттан шеттетіп тастады. Қазір еліміз шетелдік ұйымның шешіміне қарсы шағым түсіруге әзірленіп жатыр.
Бұл туралы КТК хабарлайды.
Сөйтіп, ел қоржынына алтын әкелумен аты шыққан спорт түрі уақытша тұралап қалмақ. Жалпы, күш-қуат беретін дәрі іздері 2008-2012 жылдары Олимпиадаға қатысқан Мая Манеза, Зулфия Чиншанло, Светлана Подобедова мен Илья Ильиннің қанынан табылған еді. Енді осы дауға қалған спортшылардың кесірінен Қазақстан құрамасы толықтай бір жылға спорттан шеттетіліп отыр.
“Халықаралық ауыр атлетика федерациясында қазір арнайы комиссия құрылған. Ол допинг дауына іліккен елдерді бақылайтын болады. Біз соларға дәрімен күресіп жатқанымызды көрсетіп, спорттан шеттету уақытын қысқартқымыз келіп отыр”, – деді ҚР Ауыр атлетика федерациясының жауапты хатшысы Асхат Бағлан.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе