Өскеменде зейнетақы қорынан 2 млн теңге алған тіс емханасы 415 мың теңгеге ғана қызмет көрсеткен
Өскемен қаласының тұрғыны тіс емханасымен 2 млн теңгеге шарт жасасқан. Қаржы зейнетақы жинағынан біржолғы төлем есебінен бөлінген. Бірақ көрсетілуі тиіс қызмет сол қалпы толық орындалмаған.
Сот дерегінше, 2021 жылдың сәуірінде азамат клиникамен имплантация және протездеу бойынша келісімге келген. Алайда нақты көрсетілген қызмет көлемі 415 мың теңгемен шектеліп, қалған 1 585 000 теңге игерілмеген. Клиника мұны «мамандардың жоқтығымен» түсіндірген.
Азамат бірнеше рет сотқа дейінгі шағым жолдағанымен, қаржысы қайтарылмаған. Істі қараған Өскеменнің азаматтық істер жөніндегі ауданаралық соты келісімшарт талаптарының орындалмағанын анықтады.
Жауапкер сотқа шақырылғанымен, процеске қатыспаған және қарсылық білдірмеген. Сот талапкердің арызын толық қанағаттандырып, тіс емханасына азаматқа 1 585 000 теңгені арнайы шотқа қайтаруды міндеттеді. Сонымен қатар сот шығындары ретінде 220 411 теңге өндіріледі.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз