Қазақстанда 20-дан астам шетелдік мемлекеттің 22 мыңға жуық компаниясы жұмыс істейді. Соның ішінде ең көбі — ресейлік, түрік және қытайлық фирмалар.
Қазақстанда ең көп шетелдік компания — Ресейдікі. 2017 жылдың 1 наурызындағы мәлімет бойынша, біздің еліміздегі ресейлік компаниялардың саны 7 мыңнан асып түскен. Ал одан кейінгі ІІ-орында — түріктердікі: шамамен 1,8 мың деп хабарлады LS басылымы.
Ал саны 900-ден асатын шетелдік компаниялар қатарына Қытайдың, Германияның, Нидерландының фирмалары енеді. Ресми мәліметке сәйкес, өзбек, украин, қырғыз, ағылшын және америкалық компаниялар да Қазақстанда белсенді жұмыс істейді.
Еске сала кетелік, алдағы жылы елімізде жұмыс істейтін шетелдік компаниялар артпаса, кемімейді. Өйткені жуырда “Самұрық-Қазына” ұлттық әл-ауқат қоры өзіне қарасты 100-ден аса ірі мемлекеттік компанияның активін саудаға қойды. Оларды шетелдік инвесторларға сату да жоспарда бар.
Дайындаған: Юсуп Маметниязов, Қуаныш Сатар
https://kaz.365info.kz/akhsha-zaman-baraholkanyn-khytajy-meni-akhshaga-satyp-alyp-zhyr-khazakh-khyzy-289183