Оралда жолаушылар автобусы мен жеңіл көлік соғылып,бір адам қаза тапты (видео)
Оралда жеңіл көлік пен жолаушылар автобусы соқтығысты, соның салдарынан қаза тапқандар мен зардап шеккендер бар.
Бұл туралы Tengrinews.kz хабарлады.
Жол-көлік оқиғасы 5 наурызда Орал – Дарьинск тасжолындағы Трекино ауылының маңында болды. Volkswagen Transporter маркалы жолаушылар автобусы Рубежка ауылынынан келе жатқан. Жүргізуші Владимир Фисенконың айтуынша, ол 15 жолаушыны алып келе жатқан. Бір сәтте жолдың қарсы бетінен Volkswagen Passat маркалы автмобиль атып шыққан.
Соқтығысу салдарынан жеңіл көліктің жүргізушісі сол мезетте қайтыс болған. Автобус жолдан шығып кеткен, оны әлі сол жерден шығарған жоқ. Оқиға орнына жедел жәрдем көлігі мен қайтыс болған адамның туыстары келді. Фельдшердің айтуынша, екі адам ауруханаға жеткізілді. Қалғаны өздігінен ауруханаға жетті. Полицейлер оқиғаның мән-жайын анықтап жатыр.
Алдын ала мәлімет бойынша Volkswagen Passat автокөлігінің жүргізушісі кінәлі.
Айта кетейік, Оралда бүгін көктайғақ, ауа райының қолайсыздығына байланысты бірнеше жол жабылған. Осыған дейін облыста ескерту жарияланған еді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз