Оралда қандықол күйеу баласы оқ атқан азамат тілге келместен жан тапсырды.
Бұл туралы КТК арнасы хабарлайды.
Дәрігерлер мүшкіл халде ауруханаға жеткізілген 66 жастағы Раниль Әбдірахмановты аман алып қалу үшін онымен екі апта бойы арпалысқан.
“Алдымен, алты сағаттық ота жасадық. Жағдайы нашар болды. Сосын оны жан сақтау бөліміне жатқыздық. Ішіне оқ тиген. Екінші операциядан кейін жағдайы нашарлап, азамат қайтыс болды”,- дейді БҚО Денсаулық сақтау басқармасының баспасөз хатшысы Айнагүл Сақбосынова.