Орал қаласында бір айдың ішінде төрт бірдей фирманың кассирін алдап, барлығы 700 мың теңгеге жуық ақшаны иемденген 1975 жылғы шетелдік азамат ұсталды.
Бұл туралы Орал қалалық ішкі істер басқармасына сілтеме жасап, ҚазАқпарат хабарлады.
кассирді әңгімеге тартқан ол өзін теңгенің ірісінен коллекция жинайтынын айтып, сейфтегі ақшасын көрсетуді сұраған.
Сосын ақшаны ұстап тұрып, әмиянымен көлегейлеп, белгілі бір бөлігін қалтасына басып отырған. Қазіргі кезде өзін Иран елінің азаматымын деп отырған шетелдік тұрғынға қатысты ҚР Қылмыстық кодексінің 190-бабына, „Алаяқтық„ бойынша қылмыстық іс қозғалып, тергеу амалдары жүргізілуде. Оның қармағына түскендердің саны бұдан да көп болуы ықтимал.
Еске сала кетейік, бұл өңірде алаяқтық көбейіп отыр. БҚО прокуратурасының баспасөз қызметінен түскен мәліметке қарағанда, тек өткен аптада облыста тоғыз бірдей алаяқтық дерегі тіркелген.