Оралда екі баланың 21 жастағы анасы жоғалып кетті. Жұлдыз Сисенова облыс орталығына 26 сәуірде өзі тұрып жатқан Теректі ауданындағы Богдановка ауылынан кетіп, сол күйі оралмаған, – деп хабарлайды “Мой Город” басылымына сілтеме берген kaz.tengrinews.kz.
Жұлдыздың екі баласы бар, тұңғышы 4 жаста, кенжесі бір жыл төрт айлық.
“Кенже баласының өкпесіне суық тиген. Осымен төртінші күн анасын іздейді”, – деп хабарлады жоғалып кеткен қыздың туысы.
Қыз қысқа қоңыр күрте мен түрлі түсті белдемше және балетка киген. Жұлдыздың туыстары қандай да бір мәлімет білетіндерден 8 (702) 665-53-45 нөміріне хабарласуды сұрайды.