Нұр-Сұлтан
Қазір
9
Ертең
10
USD
421
0.00
EUR
499
0.00
RUB
5.6
0.00

Оралда әйелді қағып өлтірген бизнесмен қамауға алынды

Соттағылар Карайгойшин жасады деген қылмыстық әрекеттің ҚР Қылмыстық кодексінің 345-бабының 3-бөлігіне (“Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы”) сәйкес келетінін айтады. Тергеу органдары кәсіпкердің қамауға алынуын сұрады. Прокуратура өкілдері өз кезегінде ер адамның бостандықта жүруі тергеуге кедергі келтіріп, оның тергеу мен соттан жасырынуы мүмкін екенін айтты. Ал қаза болған Евгения Бондаренконың заңды өкілдері бұл өтінішті қолдамайтындарын мәлімдеді.

Айта кетейік, оларға материалдық және моральдық шығын толық көлемде төленген болатын, олардың енді кәсіпкерге еш шағымы жоқ.

“Менің қорғалушым өз кінәсін толықтай мойындап, қаза тапқан әйелдің туыстарынан кешірім сұрайды. Оның тұрғылықты мекенжайы бар, осыған дейін сотты болмаған және кішкентай балалары бар. Оны кепілмен бостандыққа шығаруларыңызды сұраймын”, – деді адвокат. Бірақ судья прокуратураның өтінішін қанағаттандырып, Александр Карагойшинды екі айға қамауға алу туралы санкция шығарды.

Еске сала кетейік, 11 қарашада кешкі уақытта Александр Карагойшин Toyota Land Cruiser көлігімен 31 жастағы Евгения Бондаренконы қағып өлтірген болатын. Әйел сол сәтте қызына дәрі алуға дәріханаға бара жатқан. Оның артында екі қызы қалды.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз