Оралда 8-сынып оқушысы жоғалып кетті

Орал қаласында 8-сынып оқушысы жоғалып кетті, деп хабарлайды Baq.kz «Мой город» порталына сілтеме жасап.

Жоғалған баланың әкесі Серік, ұлы Темірханның 21-қыркүйек күні әдеттегідей мектепке кеткенін айтады. Алайда 3 күн өтсе де одан хабар жоқ.

«Ұлым қаладағы №9 орта мектебінің 8-сыныбында оқиды. Ол жұма күні мектепке кеткен. Содан бері оны көрген жоқпыз. Ауладағы балалар ұлымды сенбі күні «Сити центр» ауданынан көргенін айтады. Бұрын ол осылай жоғалмайтын. Тек үйде жарты күн ғана болмайтын. Ол өзімен бірге ұялы телефонын алған. Алайда қазір ол өшірулі», – дейді Серік.