Оралда 101 миллион теңге пара сұраған шенді ұсталды (видео)
Батыс Қазақстан облысында ірі көлемде пара алған бөлім басшысы ұсталды.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.
«13-шілде күні ҚР Сыбайлас жемқорлыққа қарсы іс-қимыл ұлттық бюросының Батыс Қазақстан облысы бойынша департаменті жалған кәсіпкерлік фактісі бойынша қылмыстық істі тоқтату үшін және ары қарай қорғаншылық жасау үшін 25 млн теңге көлемінде параның соңғы бөлігін алып жатқан адамды ұстады.
Нақтырақ айтқанда, БҚО бойынша Мемлекеттік кірістер департаментінің экономикалық тергеу қызметі, Қаржы саласындағы құқық бұзушылықты тергеу басқармасы, Заңсыз ұйымдарды қаржыландыруға қарсы іс-қимыл бөлімінің басшысы Н.М. Урналиевті ұсталды. Параның жалпы сомасы 101 млн теңгені құрайды», делінген хабарламада.
Күдікті Орал қаласы ішкі істер департаментінің уақытша ұстау изольяторына қамалды. Сотқа дейінгі тергеу жұмыстары жүргізілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе