Өмірді ұзарту үшін не керек екені белгілі болды
АҚШ зерттеушілері адамның күнделікті тамағындағы аз ғана өзгерістің өзі өмірді ұзарта алатынын анықтады. Мәселен, күніне бір стакан тәтті сусын ішетін адам оның орнына жаңғақ жесе мерзімінен бұрын өлу қаупі төмендейді. Ғалымдардың зерттеу мақаласы New England Journal of Medicine журналына шыққан.
Мамандар 74 мың ересек адамның диетасында (күнделікті тамағы) 12 жыл ішінде болған өзгерістер мен одан кейінгі 12 жылдағы өлім қаупі арасында қандай байланыс бар екенін зерттеген. Тамақтың сапасы ондағы дәнді дақыл, көкөніс, жеміс, балық сияқты пайдалы тағамдардың мөлшеріне қарай бағаланған.
Нәтижесінде, тамақ сапасын 20 пайызға арттырса, уақытынан бұрын өлу қаупі 8-17 пайызға төмендейтіні анықталған. Ал тамақ сапасы төмендеген жағдайда өлім қаупі 6-12 пайызға өскен. Әйтсе де көбіне зиянды тамақтар жейтін адамның өзі біртіндеп пайдалы тамақтарға ауысқан болса, олар соның өзінде тамағын өзгертпеген адамдардан ұзағырақ жасайтыны анықталды.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз