“Олар – жау ма?”. Қайрат Нұртастың әйелі енесінің туған күнінде неге болмады?

Мегажұлдыз Қайрат Нұртастың үйленгені, жары мен балаларының бар екені белгілі болса да, әншінің өзі де, анасы Гүлзира ханым да оны жұртшылықтан жасырып келеді.

Бірнеше апта бұрын Қайраттың жұбайымен түскен суреттері әлеуметтік желілерге жарияланған болатын. “Қайраттың сүп-сүйкімді жары бар екен”, “Жұлдыз Әбдікәрімова – Қайраттың әйелі, әп-әдемі екен” деген пікірлер қалдырған еді. Ол енді ұмытыла бастағанда жақында әншінің анасы Гүлзира Айдарбекова туған күнін дүркіретіп өткізгені туралы Инстаграммға жариялай бастады. Көптеген суреттен тойға кімнің келгенін, қандай сыйлықтар сыйланғанын, дастархандағы тағамдарды көруге болады. Суреттер пайда болғалы халықтың Гүлзира ханымның келіні бар екені есіне түсті де тойда келінінің неге болмағанын жарыса сұрай бастаған.

iskakova.liazzat Гүлзира ханым, бәрі де тамаша, бірақ бала адамның бауыр еті, “балам жаным, баламның баласы балым”, – деген қазақта бір тамаша сөз бар екенін жақсы білесіз, осындай тамаша туған күнде өміріңіздің мәні, жалғасы немерелеріңізбен сүретке түссеңіз, нұр үстіне нұр болар еді! Шіркін, немере деген…