“Олар мас болды”. Қостанайда бір бойжеткенді екі қыз аяусыз ұрып-соққан (видео)
Қостанайда 22 маусым күні кешкі сағат 23.30-да жағажайда құрбыларымен қыдырып жүрген бойжеткенді екі қыз аяусыз ұрып соққан. Жанжал салдарынан ол түрлі жарақаттармен ауруханаға түскен.
Бұл жанжал туралы Instagram желісінің қолданушысы Айша Искакова өзінің жеке парақшасында жазған. Айшаның айтуынша, жағажайда қыдырып жүрген оларға екі бейтаныс бойжеткен жақындап, жанжал шығарған. Бейтаныс бойжеткендер дәл сол мезетте мас күйінде болды, дейді Айша.
«Қазір менің миым шайқалған. Көптеген жарақаттарым бар. Оған қоса, түрлі диагноздар да қойды. Дұрыс тамақ ішіп, өздігімнен жүре алмай қалдым. Басым үздіксіз ауырып, бетім ісіп кеткен”, – дейді ол.
Искакова әділдікке қол жеткізіп, айдың-күннің аманында төбелес шығарған бойжеткендердің тиісті жазасын алуын тілейді. Қазіргі таңда олардың ісі соттың қарауына берілген.
Ескерту! Видеода бейәдеп сөздер кездеседі!
Дерек көз:Nur.kz.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе