ҚР Дін істері және азаматтық қоғам министрі парамен ұсталған қарамағындағы лауазымды шенеунікке қатысты мәлімдеме жасады.
Комитет төрағасының орынбасары Бауыржан Мусиннің қолына бірнеше күн бұрын кісен салынған болатын деп хабарлады КТК телеарнасы.
Өйткені шенеуніктің көлігінің тартпасынан 400 мың теңге табылған. Бұл – параның бір бөлігі екен. Негізі ауызбастырық 1,5 миллион теңге болыпты. Азаматтық қоғам істері комитеті төрағасының орынбасары осы сомаға тендер алып бермек болды дейді тергеушілер.
Нұрлан Ермекбаев, ҚР Дін істері және азаматтық қоғам министрі:
– Оны сот шешеді. Менің айтайын дегенім, Мусин мырза, не мемлекеттік, не әлеуметтік тапсырыс бөлу мәселелеріне, не гранттарды бөлуге еш қатысы болған жоқ.