«Ол кім екен?». Бишімбаев бір бойжеткенге қымбат пәтер сатып әперіпті
Қуандық Бишімбаев шотындағы миллиондар туралы айтты. Тергеу мәліметтеріне қарағанда бұрынғы Ұлттық экономика министрінің шотына соңғы жеті жыл ішінде 273 миллион теңге аударылған екен, дейді «КТК» арнасы.
Бірақ бұл қыруар қаржы адал еңбекпен келген деді бүгінгі сотта Бишімбаев. Тіпті, экс-министр Қосшы ауылындағы зәулім коттеджді салуға шотындағы 273 миллион теңгенің бір бөлігін жұмсапты.
Мәселен,
ұсталмай тұрып, экс-министр Астандаға кілең байлар тұратын ауданнан әлдебір бикешке қымбат пәтер сатып әперген.
Сондықтан, экс-министрдің сауна мен элиталық баспанаға ақшаны қайдан алғаны қызықтырып отыр. Алайда, бұл сұрақ Бишімбаевтың тағы шамына тиді.
Мемлекеттік айыптаушы:
– Іс материалдары бойынша, «Самұрық–Қазынадан» бонус ретінде «Бәйтерекке» 420 мың доллар түсті. Оның 200 мың доллары Алибаева дейтін әйелге Астанадағы «Милан кварталынан» пәтер сатып алуға жұмсалған. Қалған ақша 2016 жылы шоттан алынған. Сонда сіз монша құрылысына қай ақшаны аудардыңыз?
Қуандық Бишімбаев:
– Айыптаушы тарап маған күйе жағуда. Енді осындай жаңа айыптар табыла бастады. Мұның іске еш қатысы жоқ қой, мемлекеттік айыптаушы айтып отырған нәрселер менің аузымнан ешқашан шыққан емес. Мұны білгіңіз келсе, жеке кездесіп, сөйлесейік. Айтып беремін.
Фото: КТК сюжетінен скриншот
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе