“Өй, малғұн”. Алдынан өтпек болған жігітті қыздың әкесі пышақтап өлтірді
Қарағандыда ер адам қызына үйленуге ұсыныс жасап келген жігітті өлтіріп тастаған.
Бұл туралы Tengrinews.kz хабарлады.
Іс қылмыстық істер жөніндегі ауданаралық мамандандырылған сотта қаралды.
“Айыпкер Тайкеновтің ҚР Қылмыстық кодексінің 99-бабы “Адам өлтіру” бойынша кінәсі толық дәлелденді. Сот үкімімен ол 12 жылға бас бостандығынан айырылды. Соталушы жазасын қауіпсіздігі ең жоғары қылмыстық-атқару мекемесінде өтейді”, – дейді сот өкілдері. Сотталушының өтелмеген қылмыстық жауапкершілігі барын да есепке алды.
Еске салайық, оқиға Қарағандының Пришахтинск ауданында болған.
Қайтыс болған жігіт қыздың әкесімен ішімдік ішіп отырып, одан қызын тұрмысқа беруін сұраған. Қыздың әкесі ұсынысқа келіспеген соң жігіт оны балағаттап, арты жанжалға ұласқан.
Жанжал кезінде ер адам жігітке көптеген пышақ жарақатын салады. Жігіт оқиға орнында көз жұмады. Осыдан кейін сотталушы қылмысын жасыру үшін ұлының досына қоңырау шалып, мүрдені “Қайың тоғайға” апарып тастауды бұйырады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе