Нұрсұлтан Назарбаев Сағынтаевқа ағылшын тілін қалай үйрену керек екенін айтты

“Астана ХаБ” IT-жобалары инновациялық паркінің ашылу салтанатында жастармен тілдескен Нұрсұлтан Назарбаев премьер-министр Бақытжан Сағынтаевпен әзілге қосты.

Бұл туралы Ақорданың Instagram парақшасына сілтеме жасаған NUR.KZ хабарлайды.

“Астана ХаБ” ашылуына барған Елбасы қазақстандық стартап-компаниялардың жобаларымен танысып, жас кәсіпкерлермен тілдесті.

Олардың бірі мемлекет басшысына шет тіліне үйрететін жаңа оқу технологиясын таныстырды.

“Премьер-министр қазір белсенді түрде ағылшын тілін үйренуде. Оған көмектесіңдер”,- деді Елбасы Бақытжан Сағынтаевты алға шығарып.