Түркия астанасы Анталия қаласында «Экономикалық ынтымақтастық, қоршаған орта және Еуразиядағы орнықты даму» тақырыбына арналған форум басталды.
Форум аясында Мәжіліс Төрағасы Нұрлан Нығматулин РФ Мемлекеттік Думасының спикері Вячеслав Володинмен кездесті, деп хабарлайды ҚР Парламенті Мәжілісінің баспасөз қызметі.
Кездесу барысында тараптар осы сұхбат алаңының маңыздылығын және әр жиын сайын қатысушы елдер мен адамдар санының артып келе жатқанын атап өтті. Биыл форумға әлемнің 40 елі мен 5 халықаралық ұйым қатысуда.
Мәжіліс Төрағасының пікірінше, бұл екі ел президенттерінің келісімдерін заңнамалық тұрғыдан қолдайтын қос мемлекеттің парламентінің жұмысына серпін береді. Нұрлан Нығматулин мен РФ Мемлекеттік Думасының спикері Вячеслав Володин Еуразия елдерінің парламенттері спикерлерінің үшінші жиналысына ұсынылған тақырыптың өзектілігіне назар аударды.
Сонымен қатар, Қазақстан мен Ресей бірыңғай экономикалық кеңістікте орналасқанын алға тарта отырып, экология мен қоршаған ортаны қорғау мәселелерінің маңыздылығын да атап өтті.