“Норманд төрттігінің” жетекшілері Донбастағы жағдайды талқылады
Германия, Ресей, Украина және Франция жетекшілері дүйсенбі күні кешкісін телефон арқылы келіссөздер жүргізді. Олар “норманд форматы” аясында Донбастағы қарулы жанжалды тоқтатуға талпынып көрді.
Ангела Меркель, Владимир Путин, Петр Порошенко және Франсуа Олланд Пасха мерекесі кезінде Украинаның шығысында атысты доғаруға, сондай-ақ тұтқындарды “бәріне бәрін” формуласы бойынша алмасуға келісті. Саясаткерлер Донбаста ЕҚЫҰ миссиясының қызметкерлеріне қоқан-лоқы жасалғанына алаңдайтынын білдірді. Бұл туралы украиналық президенттің ресми сайтында хабарланды. Осы мазмұндағы мәліметті Кремльдің баспасөз қызметі де таратты. Берлин мен Париж телефон әңгімесі туралы әзірге мәлімет берген жоқ.
18 сәуірде таңертең Донбастағы украиналық әскери операция штабы жағдайдың шиеленісіп кеткенін хабарлады. Ресми мәлімет бойынша, бір тәулікте жікшілдер украиналық шепке 32 мәрте оқ ашқан. Бір сарбаз жараланған.
Украинаның шығысындағы ЕҚЫҰ миссиясының басшысы Александр Хугтың пікірінше, Донбастағы жағдай тұрақсыз емес, кез келген уақытта ушығып кетуі мүмкін.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе