Қорғастағы халықаралық сауда орталығындағы кептеліс жойылып, жағдай реттелді.
Бұл туралы Tengrinews.kz хабарлады.
“Қорғас” шекара маңы халықаралық ынтымақтастық орталығы АҚ президенті Қаһарман Жазин Қытай тарапы аяқ-асты Жаңа жылды мерекелейміз деп бұл жерде кептеліс орын алғанын айтты.
“Бірнеше күн бұрын қытай тарапы Қытайдың Жаңа жылын тойлауға аяқ-асты дайындықты бастап кетті. Мерекелік шара автобустар тоқтайтын алаңқаларды да алған. Сондықтан автобустар аядайтын жердің орны алмастырылды. Әрине, бұрынғы қарағанда ыңғайсыз, тар жер ол ара. Сондықтан да автобустар қалай болса солай тоқтап, адамдар да әбден әуре-сарсаңға түскен.
Бұрынғы қалыптың быт-шыты шықты. Алыстан келген турисі қайсы, саудагері қайсы, білмейсіз, бәрі араласып кетті.
https://kaz.365info.kz/byjtken-saudasy-khyrysyn-khorgaskha-bargandar-ozderin-khalaj-it-khylatyndaryn-ajtyp-berdi-301334
Негізі, осы маңда тұрып, жұмыс істейдер бар. Оларды біз “несундар” дейміз, яғни біреулердің жүгін көтеріп, бергі жаққа алып шығып береді. Міне, осылар ғой, барлық былықты бастап жіберген.
Қазір жағдай реттелді. Автобусқа отыруда айғай-шу жоқ. Қосымша тағы 10 автобус шығардық. Өткен жолғыға қарағанда адамдар көп, бірақ соған қарамастан бұл арада транспортқа қатысты мәселе жоқ. Орын бәріне жетеді. Қазір бұрынғы алаңқайларына автобустар қайтып барған. Мәселе оңтайлы шешілді”, – дейді басшы.
Сондай-ақ ол жүкті автобуспен алып жүрмейтін жағдайды қарастырып жатқандарын да жеткізді.
“Автоматтандырылған жүйеге көшеміз, адам санын есептеген секілді, әр адамның жүгін де автоматты түрде есептейтін техниканы іске қоспақ ойымыз бар. Сонда жұмысымыз қазіргіден де жеңілдеп, мұнда келушілердің де жағдайы жақсарады. Бірақ бұл жыл соңына қарай болып қалатын нәрсе”, – дейді Қаһарман Жазин.
https://kaz.365info.kz/or-as-shekara-ma-y-haly-araly-yntyma-tasty-ortaly-yny-prezidenti-amau-a-alyndy-224161