Неміс овчаркасы тастанды теңбілшелерді «асырап алды»

Владивостоктағы «Белый лев» паркінде Сандра есімді неміс овчаркасы арыстанның тастанды балаларына сүтін беріп, емізе бастады.

Сирона деген арыстан  еркек және ұрғашы теңбілшелерді дүниеге әкелгеннен кейін балаларынан бас тартты. Өзінің күшігі бар сегіз жасар овчарка арыстанның екі баласын қабылдады. Кадрлардан иттің өзінің қара  күшігінен әлдеқайда үлкен және екі теңбілшені тамақтандырып жатқан сәтін көруге болады,

«Ит арыстанның екі тастанды күшігін қабылдады. Бір жануардың басқа түрдің балаларын, әсіресе жабайы түрлерін қабылдауы сирек кездеседі. Иттің сүті арыстанның сүтіне жақын, онда теңбілшілердің қалыпты дамуына қажетті  барлық компонент бар», — делінген хабарламада.