Неліктен қыркүйек айында “қашықтықтан оқуды” күтудің қажеті жоқ? – мұғалімнің пікірі

Қазақстанда коронавирусты жаңадан жұқтырғандардың саны өсуде. 2021 жылдың шілде айының соңында вирус жұқтырғандардың саны тәулігіне 6 500-ден асты. Осыған байланысты ірі қалаларда карантин күшейтілді. Сонымен қатар, жаңа оқу жылына аз уақыт қалды. Ал егер жаңа толқынның шарықтау шегі тамыз-қыркүйек айларына сәйкес келсе, Президенттің мектептерді ашу туралы жарлығына қарамастан білім беру ұйымдарындағы қашықтықтан оқыту форматы ұзартылуы мүмкін.

Депутат Ирина Смирнова осындай алаңдаушылық білдірді.

Онлайн-оқытудың қорытындысы

Сонымен қатар, 2020 жылдың наурызынан бастап енгізілген қашықтықтан оқыту жүйесі жағымсыз нәтижелерге әкелді — оқушылардың білімі айтарлықтай нашарлады. Бұған Whats App арқылы оқыту да, елді мекендердегі интернет сапасының төмендігі де әсер етті. Ал аз қамтылған отбасыларда өз балаларына онлайн оқыту процесін ұйымдастыруға мүмкіндіктің болмауы қалыпты жағдай.

Көптеген адамдарда көп отырғанның кесірінен  денсаулығында қиындықтар туындады

Сонымен қатар психологиялық жағынан да. Мұны кәмелетке толмағандардың арасында өзіне-өзі қол жұмсаудың көбеюінен көруге болады. 2021 жылдың алғашқы төрт айында ғана балалар арасында 114 өзіне-өзі қол жұмсауға ұмтылу және 46 суицид болды.

Архимед мектебінің негізін қалаушы және директоры Архимед Искаковтың айтуынша, адамдар жаңа штаммды коронавирустың біздің өмірімізден кетпейтіндігіне үйренуі керек. Оқыту процесі жаңа шынайылық негізінде құрылуы керек.

— Мен “қашықтықтан оқуға” үзілді-кесілді қарсымын. Бүгінде бұл қорқынышты нәрсе екені бәріне  түсінікті. Шынында да апатты жағдай.

Шындықтан қашып жатыр

Қазіргі жағдайға қарау керек: кейбір мектептерді дәстүрлі түрде ашу керек, ал кейбіреулерін қашықтан оқыту түрінде қалдыру керек. Бірақ бұл төтенше шара. Егер көптеген адамдар жай ауырып қана қоймай, қатты науқастанып, адам өлімі көбейсе ғана.

Бізде ауруды болдырмаудың шараларын барынша қарастырып, білім беруді дәстүрлі түрде жеткілікті деңгейде жақсы әрі сапалы етіп ұйымдастыра алатын мектептер бар

Мұндайлардың «қолына жалауша» беріп, оқуға рұқсат беру керек.

Бүгінгі таңда көптеген елдер, соның ішінде еуропалық елдер, әрқайсысы білім берудегі стратегия мен тактиканы өздері жасайды. Айтпақшы, Бекшин дұрыс шешім қабылдады. Оның айтуынша, егер мектепте 300 оқушыдан көп болмаса, дәстүрлі форматта жұмыс істеуге рұқсат етіледі. Нәтижесі қалай болғаны бөлек әңгіме, – деп атап өтті Ысқақов.

Мұғалімдер институты зардап шекті

Оның байқауынша, қашықтықтан оқыту мұғалімдерге де жағымсыз әсер етті. Қазірдің өзінде өткен оқу жылының қайтымсыз салдары көрініп тұр. Себебі оқыту сапасы айтарлықтай төмендеген. Иә, кейбір мектептерде деңгейі жоғары мұғалімдер құрамы бар, бірақ олар «могикандардың соңғысы». Мұғалімдікті қалпына келтіру үшін елге 5-7 жыл қажет.

— Бір жағынан, “қашықтықтан оқу” мемлекет үшін ыңғайлы – шығын аз. Бірақ екінші жағынан, бұл мұғалім үшін өте қиын сынақ.

Онлайн форматта оқыту мұғалімдерді азғындатады. “Апашка” отырып алып, ештеңе істемесе, ештеңеге жауап бермесе. Ал балаларымыз білімсіз қалып жатыр…

Бізге мұғалімдер базасын толтыру керек. Біз бұл туралы 40 жыл бойы айтып келеміз: біз бір кездері қарапайым дәрігерлер, мұғалімдер, инженерлер қалмайды деп ескерткенбіз. Содан кейін тіпті қалыпты слесарлар мен ұсталар да қалмайды. Қазір біз осы процестің жүріп жатқанын көріп отырмыз. Бірақ бір шара қолданбасақ, жағдай бұдан да нашарлайды, – деп болжайды ол.

Не істеуге болады?

Сонымен қатар, Қазақстанның барлық үздік мұғалімдерін жинап, олармен бірге онлайн сабақтар жазу керек деген идеяны Архимед Ысқақов сәтсіз деп санайды.

– Нашар ұсыныс, өйткені Интернетте әртүрлі пәндер бойынша сапалы жазылған сабақтар көп. Мысалы, мұндай сабақтарды Одессаның тамаша физиктері мен орыс математиктері жасады.

Егер тақырып бойынша қосымша бір нәрсені тыңдау мүмкіндігі бар болса, бұл опция ретінде керемет дүние. Бірақ қиындықтан шығар жол ретінде – көмегі жоқ

Қазіргі сәтте кез-келгеніміз Алматыдан шықпай-ақ, Массачусетск технологиялық институтының бірнеше курсын бітіруге теориялық мүмкіндігіміз бар. Бірақ 2,5 миллионнан мен тек біреуін ғана білемін. Ол 30 жастан асқан, өмір бойы жақсы оқыған және күшті мотивацияға ие. Ондай мотивация көптеген ересек балаларда жоқ, оқушыларды айтпай-ақ қояйын. Жалпы,

орыс мектептерінде қашықтықтан оқу баламалы білім берудің жақсы нұсқасы деп ойлаймын. Сондай-ақ, ондайға тыйым салуға, қазақстандық мектептерде орыс оқулықтарын пайдалануға тыйым салуға үзілді-кесілді қарсымын

Мүмкін болатын барлық нәрсеге рұқсат керек. Бірақ жаңа оқу жылында мектептерде “қашықтықтан оқыту” болмайды деп ойлаймын. Себебі бұл қазіргіден де қорқынышты нәтижелерге әкелетінін сөзсіз, – деп қорытындылады мұғалім.