Қазақстанның Атырау облысындағы Жылыой ауданының прокуратурасы Теңіз мұнай кенішіндегі «Кентек Казахстан Техникал Сервисез» жұмысшыларының талаптарына байланысты шара қолданды. Жұмысшылар жалақыны көтеруді талап еткен. Прокуратура инспекциясының нәтижесі әзірге дайын емес, деді прокуратура өкілі Балнұр Есенгелдинов.
Хабарларға қарағанда, 27 қаңтарда 120 жұмысшы жалақыны 50 пайызға көтеруді талап етіп, жұмысқа шығудан бас тартқан. Жергілікті “Ақ Жайық” газетінің мәліметі бойынша, келіссөздерден соң жұмыс беруші жалақыны шамамен 12 пайызға көтеруге келіскен, дегенмен жұмысшылар өз талаптарынан қайтпай отыр.
Теңіз – Қазақстандағы ең ірі мұнай кеніштерінің бірі. Оны “Теңізшевройл” бірлескен кәсіпорыны игереді. «Кентек Казахстан Техникал Сервисез» компаниясы Теңіз мұнай кенішін электр техникасымен қамтамасыз етеді. Компанияда шамамен 200 адам вахталық әдіспен жұмыс істейді.