Назарбаев Хазірет Сұлтан мешітіне барды
Нұрсұлтан Назарбаев Астанадағы Хазірет Сұлтан мешітіне барып, қазақстандықтарды Құрбан айт мейрамымен құттықтады, – деп хабарлайды Tengrinews.kz тілшісі.
“Қазақстанның барлық мұсылман қауымын мейраммен құттықтаймын. Барлық тілегіміз орындалсын. Меніңше, біздің барлығымыздың тілегіміз бір: еліміздің және халқымыздың амандығы, – деді Нұрсұлтан Назарбаев қазақстандықтарға.
Мемлекет басшысы осы күні барлық қазақстандықтың игі істер жасап, құрбандық шалатынын айтып өтті. Президенттің айтуынша, қазақстандықтар Құрбан айт мейрамы кезінде мұқтаж адамдарға немесе егде жастағы кісілерге көмек көрсете алады.
“Құрбан айт – исламды жақсылықтың, жасампаздық пен үйлесімдіктің діні екенін паш етіп, күллі мұсылман қауымын бейбітшілік пен татулыққа, өзара түсіністікке шақыратын қасиетті мейрам. Сондай-ақ, ол – діни мереке ғана емес, барша адамзатты бір-біріне көмек қолын созуға үндеп, бауырмалдыққа баулитын үлкен рухани құндылық”, – деген еді осыған дейін Назарбаев құттықтауында.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз