Назарбаев: “Бурабайдағы баға тым қымбат”
Ақордада Ақмола облысының әкімін қабылдаған Назарбаев, Мәлік Мурзалиннен аймақтағы туристік мүмкіндіктерді көтеруге байланысты жүргізіліп жатқан жұмыстар туралы сұрады.
Бұл туралы Ақорда хабарлайды.
Қазақстан президенті “Бурабай” курорттық аймағындағы туристік қызметтерді ұсыну бойынша сапаны жоғарылатуды тапсырды. Сондай-ақ, мемлекет басшысы қызмет сапасымен сай келмейтін қымбат бағаны сынға алды.
“ЭКСПО-2017″ өтіп жатқан сәтті пайдаланып қалу керек. Әсіресе, шет мемлекеттерден көптеген туристер келіп жатыр. Экожүйеге сеніп отыра бермей, адамдардың демалысы үшін заманауи қызметтер ұсыну керек”
– деді Нұрсұлтан Назарбаев.
Аймақтың туристік қабілетін арттыра түсу үшін жасалып жатқан жұмыстармен таныстырған облыс әкімі, президентті алдағы жоспарларымен де таныстырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе