ҚР Ұлттық қауіпсіздік комитетінің экс-басшысы Нартай Дүтбаевты қамауда ұстау мерзімін наурыздың 26-на дейін ұзартты.
Бұл туралы Астана сотына сілтеме жасап, Today.kz хабарлады.
«2017 жылы 17-ақпанында Астана қаласының Есіл аудандық №2 соты күдікті ретінде ұсталғандар Дүтбаев Нартай Нұртайұлы, Хасен Нұрлан Болатұлы және Нұртаев Ерлан Сүйімбайұлының қамау мерзімін 2017 жылдың 26-шы наурызына дейін ұзартты»,-деп хабарлады соттағылар.
Дүтбаев, ҚР Қылмыстық кодексі 185-бабының 3-бөлімінде «Мемлекеттік құпияларды жария ету» және 362-бабының 3-бөлімінде «Билікті немесе лауазымдық өкілеттіктерді асыра пайдалану» көзделген қылмыстарды жасады деп күдікке ілініп, айыпталып отыр.