Жол апатына ұшырап, жұртты алаңдатқан Ернар Айдар көпшілікті жаңа бейнебаянымен қуантты. Әнші шынайы оқиғаға негізделген клип таспалап, тыңдармандарын бір жылатып алды.
Бұл туралы Stan.kz хабарлайды.
Ернардың клипіне елдің сүйіспеншілігіне бөленген атыраулық ғашықтар түскен. Естеріңізде болса, 7 жыл бойы төсекке таңылған сүйіктісіне қамқор болып, одан бір адым алыстамаған Марлен есімді жігіт туралы бұған дейін бірнеше рет жазған болатынбыз.
Жастай ауыр дертке шалдыққан Әнел бірнеше жыл бойы арнайы құрылғының көмегімен тыныс алған. Сүйіктісінің қолдауының арқасында 10 ота жасатқаннан кейін құлан таза айығып кеткен. Бүгінде қол ұстасқан қос ғашықтан асқан бақытты жандар жоқ. Олардың ендігі бар арманы – отау тігіп, бақытты ғұмыр кешу.
https://kaz.365info.kz/netken-mahabbat-lsaryda-y-os-ashy-ty-ta-dyry-zh-rtty-zh-regin-elzhiretti-222763