Кеше ғана Баянды жақтап шыққан қазақстандық режиссер Нұртас Адамбай енді Ninety one тобына қорған болып жатыр. Ол аталған топқа концерт өткізуге тыйым салған әкімдерді әжуалады.
Еске сала кетелік, Ninety one тобының концерт беруіне өңір-өңір басшылығы наразылық білдіріп, рұқсат бермей жатыр. Жақында ғана олардың Қызылорда қаласындағы концерті өтпей қалды. Осы жағдайға қатысты Нұртас Адамбай Facebook-тегі жеке парақшасында сыни пікір жазды.
“Қарағанды мен Жезқазған қалаларының әкімі Ninety one тобына концерт өткізуге тыйым салыпты. Оның орнына олар дәл осылайша жемқорлықпен күрессе жақсы болатын еді”, – деп жазады Нұртас Адамбай.
Еске сала кетелік, алдында Баян Мақсатқызын жақтап, жазба жариялаған. “Еркектер, еркек болып қалайық. Ер-азамат деген атымызды сақтайық. Ал әйелдер, сіздер алдымен өз өмірлеріңізді түзетіп алыңыздаршы…” деп еді ол өз жазбасында.