Мысыр пирамидалары құрылысының құпиясы ашылды
Америкалық археолог Марк Ленер басшылық еткен зерттеушілер тобы Хеопс пирамидасының құрылысы суреттелген ежелгі папирусты тапты.
Атап айтқанда, құжатта мысырлықтардың 2,5 тонналық әктастар мен граниттер блогын 800 шақырым жерден қалай тасығанының құпиясы ашық көрсетілген, деп хабарлайды Daily Mail-ге сілтеме берген ҚазАқпарат.
40 жұмысшының бақылаушысы болған автор мысырлықтардың Нил өзенін бұрып Гиза үстірті арқылы қалай жасанды су арнасын жасағанын жазады.
Құрылысшылар тасымал үшін арқандармен байланған ағаш қайықтарды пайдаланған. Оған блоктарды орналастырып, су арнасы арқылы пирамиданың дәл түбіне жеткізген.
Соңғы ғылыми деректер бойынша, пирамиданың ішкі камерасындағы гранит Гизадан оңтүстікке қарай 860 шақырым қашықтықтағы Аусаннан, ал әктастар құрылыс орнынан 12 шақырым жердегі Тұр тауынан әкелінген.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе