Мысырға оқуға кеттім деген ақтөбелік жігіт Сирияда соғысып жүр
Сирияда соғысып жүрген ақтөбелік жігіт сырттай қамауға алынды. 25 жастағы Руслан Қуанов осыдан үш жыл бұрын Мысырға арабша үйреніп, діни білім алуға кеттім деп туыстарын алдаған. Бірақ қай университетте оқып жүргенін айтпапты.
КТК арнасының хабарлауынша кейін белгілі болғандай Руслан Сириядағы содырлардың қатарына қосылған.
Ұсталған жағдайда сотқа сүйреп жүрмес үшін тергеушілер алдын ала санкция алуды жөн санаған. Ол үшін қалалық сотқа өтініш түсіріп, сырттай шешім шығарып берді.
Анар Айтжанова, Ақтөбе облыстық сотының баспасөз хатшысы:
-Қуанвоқа қатысты күзетпен ұстау түріндегі бұлтартпау шарасына санкция беру туралы өтініш қанағаттандырылып, ұсталған күннен бастап екі ай мерзімге күзетпен ұстау түріндегі бұлтартпау шарасына санкция берілді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе