Қазақстанда жолдың қарама-қарсы жолағына шығып кеткені үшін жүргізуші куәлігінен айыру жазасы енгізіледі.
Бұл туралы бүгін ҚР Парламенті Мәжілісінде «Жол қозғалысы туралы» ҚР Заңына өзгерістер енгізу туралы» заң жобасын талқылау барысында депутат Қанат Мусин мәлім етті, деп хабарлайды ҚазАқпарат.
«Біз заңнамада тыйым салынған жолдың қарама-қарсы жолағына шығу туралы норманы күшейтейік деп шештік. Бұл ретте қарама-қарсы жолаққа шығып бұрылыс жасау да жүргізуші куәлігінен айыруға алып келеді», – деді ол.
«Заңда мотоциклмен жүріп келе жатқанда жүргізушінің де, жолаушының да мотошлем киюуін міндеттеу туралы талап енгізіледі», – деді депутат.
Оның сөзіне қарағанда, бұған дейін аталған норма жол қозғалысы ережесінде ғана болған. Енді ол заңға енгізіледі.
Жалпы, депутаттар аталған заңға енгізілуі тиісті 120-дан астам түзетуді қарастырған. Нәтижесінде оның 55-і қалып отыр.
https://365info.kz/2016/04/ezzhu-kak-hochu-v-almaty-ezdit-osobyj-voditel/