Қазақстанда АИ-92 маркалы бензин қымбаттады. ҚР Энергетика министрі Қанат Бозымбаев бензин бағасының не себепті өскенін түсіндірді, деп хабарлайды Tengrinews.kz тілшісі.
“Қымбаттаудың бір себебі — бұл екі апта бұрын импорт бензині сатып алынған кезде теңгенің рубльге шаққандағы бағамының өзгеруі. Осыған орай ресейлік бензиннің бағасы өсті. Өздеріңіз білетіндей, өткен жылдан бастап теңге бағамы рубльге шаққанда 20 пайызға әлсіреді. Сол себепті де рубльмен алғанда ондай қымбат емес, ал теңгеге аударғанда біраз қымбатқа түсіп қалатыны анық”, – деді Бозымбаев.
“Барлық мұнай өңдеу зауыттарымыз жұмыс істеп тұр, бәрі дұрыс. Қажетті мөлшерде өңделіп жатыр, мұнай тапшылығы жоқ және болмайды да”,
– депті министр.