Нұр-Сұлтан
Қазір
-10
Ертең
4
USD
427
+0.53
EUR
494
-0.45
RUB
6.05
-0.09

Мұнай қымбаттауда, бірақ табыс жинақталып үлгермей жатыр 

155
Фото: gettyimages.com

Естеріңізге сала кетейік, мұнай долларлары “жинақ сандықшасы” активтерінің тамыз айындағы өсуіне екінші тоқсандағы инвестициялық табыстың түсуі ықпал етті. Оның мөлшері 852,3 млрд теңгені құрады. Мұндай жоғары бір реттік ақшаның келуі статистикаға оң әсер етті. Тамыз айында қорға түсетін түсімдер 2,1 есе немесе 1 трлн 272,0 млрд теңгеге өсті.

Қаржы министрлігінің деректеріне қарағанда, қыркүйек айында түсімдер көлемі 5,6%-ға немесе 134,5 млрд теңгеге ғана ұлғайды. Бұл ретте түсімдердің негізгі бөлімі – мұнай секторы ұйымдарынан түсетін тікелей салықтар бойынша күздің бірінші айында 9,7%-ға немесе 132,8 млрд-қа – 1 трлн 507,3 млрд теңгеге дейін өсті.

Естеріңізге сала кетейік, Brent маркалы мұнайдың орташа айлық бағасы қыркүйек айында тамызға қарағанда 7,6%-ға – барреліне 78,5 долларға дейін өсті.

Кірістер…

Мұнай секторы ұйымдары жүзеге асыратын операциялардан түсетін басқа да түсімдер қыркүйекте 11,9%-ға — 6,2 млрд теңгеге дейін ұлғайды.

Республикалық меншікті жекешелендіруден түскен түсімдер бойынша 14,3%-ға — 8,2 млрд теңгеге дейін өсім қалыптасты.

Ауыл шаруашылығы мақсатындағы жер учаскелерін сатудан түсетін түсімдер 5,7%-ға  — 0,13 млрд теңгеге дейін өсті.

Үкімет айқындайтын тәртіппен және тізбе бойынша Ұлттық басқарушы холдингтердің, ұлттық холдингтердің, ұлттық компаниялардың және олардың еншілес, тәуелді және олармен үлестес болып табылатын өзге де заңды тұлғалардың активтерін бәсекелес ортаға беруден түсетін түсімдер бағанында бұрынғысынша кіріс жоқ.

Заңнамада тыйым салынбаған өзге де түсімдер мен кірістер бойынша 0,6%-ға – 15,3 млрд теңгеге дейін шамалы өсім қалыптасты.

… және шығындар

Ұлттық қор қаражатының шығыстары қыркүйек айында түсімдермен салыстырғанда жылдам қарқынмен өсті. Бірден 13,1%-ға – 3 трлн 405,2 млрд теңгеге дейін. Абсолюттік мәнде – 394,9 млрд.

Кепілдендірілген трансферттер көлемі күздің бірінші айында 10,3%-ға немесе 207,3 млрд теңгеге — 2 трлн 216,0 млрд теңгеге дейін ұлғайды. Нысаналы трансферттер 18,6%-ға – 1 трлн 177,5 млрд теңгеге дейін ұлғайды.

Қорды басқаруға байланысты шығындар едәуір өсті. Әңгіме Ұлттық Банк пен сыртқы басқарушылардың комиссиялық алымдары, сондай-ақ сыртқы аудитті төлеу туралы болып отыр. Осы баптар бойынша шығыстар шамамен 30%-ға — 11,7 млрд-қа өсті.

Ұлттық қордан қыркүйек айындағы шығыстар түсімдерден едәуір асып түскендіктен, оның активтері күздің бірінші айында 1%-ға, абсолюттік мәнде – 260,4 млрд теңгеге төмендеді.

ҚР Ұлттық қорына түскен кірістер және оны пайдалану туралы 2021 жылғы 1 қазандағы есеп

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз