Мұхамеджан Тазабектің дін туралы пікірі Елбасының сөзіне тікелей қарсы

Сәләфи ағымының бір белгісі ата-баба аруағына табынуды олар үлкен күнә санайды. Енді Елбасы мен Мұхамеджан Тазабектің халыққа айтқан сөздерінен үзінді келтірсек. Ар жағын қалың оқырман өзі топшылар.

Н.НАЗАРБАЕВ, Мемлекет басшысы:

«ҚАЗАҚТАР осы күнге дейін АТА-БАБАСЫНЫҢ АРУАҒЫНА СЫЙЫНЫП КЕЛГЕН. Ал Құранда ешқандай аруаққа табынуға болмайды, тек қана Аллаға табыну керек деп айтылған. Бірақ, мен жеті атамызды біле тұра олардың аруағына сыйынғаннан ешқандай әбестік көріп тұрған жоқпын».
(«Мемлекет басшысы» фильмінен)

МҰХАМЕДЖАН ТАЗАБЕК, «Асыл арна» директоры:

«Әу баста АТАМ ҚАЗАҚ ӘРУАҚҚА СЫЙЫНБАҒАН, сыйлаған. Біз осы екі ұғымды ауыстырып алғандаймыз. Қабірлердің басындағы әруақтардың тасына барып, өлгендерден тілек тілеп, қасиетті Қағбаны айналғандай тәу етіп жататын, әруақтарға арнап, құрбан шалып, тілек тілеп, бала сұрап жалбарынатын қауымның іс-әрекеті қаншалықты Исламға қайшы екенін біреу білсе, біреу білмес».