Мектеп мұғалімдеріне ата-аналар берген сыйлық 2 айлық есептік көрсеткіштен асатын болса, қылмыстық іс қозғалады. Бұл туралы «Нұр Отан» партиясы Алматы қалалық филиалында өткен брифингте айтылды, деп хабарлайды 24.kz.
Білім басқармасының мәліметінше, өткен жылдармен салыстырғанда саладағы жемқорлық 2-3 есеге азайған. Сыбайлас жемқорлыққа қарсы іс-қимыл ұлттық бюрода биыл мектептегі парақорлыққа қатысты 1 ғана дерек тіркеліпті.
Ләззат Жылқыбаева, қалалық білім басқармасы басшысының орынбасары:
– Мектеп қабырғасында қаржы жинау мәселесі қатаң тыйым салынған. Сондықтан біз ата-аналарға, ұстаздар қауымына арналған ақша жинауға тыйым салу туралы хат ата-аналарға көрсетілген жерде қабырғада ілулі тұр.