Баланы ұрып жатқан, жүйкесі әбден жұқарған сорлы мұғалім немесе оқушыдан таяқ жеген қауқарсыз, қорқақ ұстаз. Интернетті қосып қалсаңыз, ұстаз деген құрметті аттың қадір-қасиетін кетіретін осындай видеолар қаптап жүр.
Cөйтіп, Мәжіліс мінберінен мәселе көтерген сенатор Динар Нөкетаева ҚР Премьер-Министрінің атына депутаттық сауал жолдады. Ол
мемлекеттік органдар секілді, мектептерде де видеокамерасы бар, интернетке қосылған телефондарға тыйым салуды ұсынады. Сонда ғана сенатордың айтуынша, мұғалімдердің абыройы аяқ-асты аймандай болмайды, оларға деген оқушы мен ата-ана тарапынан сенім артады.
«Біздің депутаттық сауал ҚР Премьер-Министріне жолданады. Сауалымызға негіз болған жайт, соңғы кездердегі мектептерде белең алып бара жатқан ұстаздарға деген көзқарас, адами моларьдық қатынас, БАҚ пен әлеуметтік желілердегі ұстаздардың Парламент депутаттарына өздерінің оқушылары мен ата-аналарынан қорғау сұраған жан айқайлары», – дейді сенатор.
Оның айтуынша, Елбасы «Болашаққа бағдар: Рухани жаңғыру» атты мақаласында білімнің маңыздылығын атап өткен.
«Ұстаздарға деген де құрмет ерекше болуы керек. Мемлекет мұғалімдерді жан-жақты қолдау шараларын жүргізуде. Мемлекет басшысының тапсырмасына сәйкес, Үкімет мұғалімнің мәртебесін арттыру мақсатымен білім берудің жаңартылған мазмұнына көшкен ұстаздардың лауазымдық жалақысын 30 ппроцентке арттыру туралы қаулы шығарды.
Солай болғанымен, қазақстандық ұстаздардың өздері білім беріп жүрген оқушыларынан қысым көруі әділетсіз болып табылады десек артық болмас. Ұстаздарды балағаттау, тіпті оларға қол жұмсау, балалардың тәрбиесіздігіне кінәлау, тағы сол секілді материалдарды БАҚ пен әлеуметтік желілерден көріп жүрміз», – дейді ол.
Сенатор өз сөзінде «Қасиетті ұстаз» деген мәртебелі мамандықтың бүгінгі таңда құнсыздануы өкінішті екенін білдірді.
«Бүгін ата-аналардың тарапынан балалардың көзінше мұғалімдерге әртүрлі балағат және дөрекі сөздерді қолдану арқылы жас жеткіншектердің өз ұстаздарына жеккөрушілікті туғызып, оларға деген құрметтің төмендеуіне әкеліп соғуда.
https://kaz.365info.kz/vkontaktede-tanyskhan-zhigitimen-kezdesuge-ketken-okhushy-4-kynnen-son-tabyldy-272967
Мұғалім бейнесі қауқарсыз, құқығы тапталған адамға айналды. Ұстаздарға деген сенімсіздік күннен-күнге, ата-аналардың тарапынан үдемесе бәсеңдеген жоқ. Өйткені, диктофон, фотоаппарат, мобильді телефон қолдану арқылы оқушылар мұғалімдердің беделін түсіріп жатыр», – дейді Динар Нөкетаева.
Бұдан бөлек, қазір оқушы қыздар Фейсбук секілді үлкендер отыратын желідегі топтарға сабақ үстінен тікелей эфирге де шығатыны бар.
Бұл да мектеп тәртібін бұзу боп табылады. Бірақ мұғалім баланың қолындағы телефонды жұлып ала алмайды. Бұл жекенің мүлкіне қол сұғу боп кетеді. Сондықтан мектептер үшін жаппай тыйым болса, жақсы болар еді дейді ұстаздар қауымы.
https://kaz.365info.kz/sagadievtin-byl-tirligi-zansyz-ba-elektrondy-kyndelik-mygalim-men-ata-anaga-sor-boldy-293475