«Музарт» тобының әншілері елордада онкологиялық ауруға шалдыққан балалармен кездесті, деп хабарлайды Baq.kz.
«Музарт» тобының мүшелері Мейрамбек Беспаев, Сәкен Майғазиев және Кенжебек Жанәбілов «Ана мен бала ұлттық ғылыми орталығында» онкологиялық ауруға шалдыққан балалармен жүздесіп, оларға керемет көңіл күй сыйлап қайтты.
«Біз сіздерді жұбатуға, сондай-ақ көңілдеріңізді көтеріп, қуаныш сыйлауға келдік. Жаратушымыз сынақты көтере алатын жандарға береді, сондықтан көңілдеріңізді түсірмей, тек жақсы нәрсе ойлаңыздар», – деді әңгіме барысында Сәкен Майғазиев.