Өзбекстанның Олий Мәжіліс Сенаты Конституцияның төрт бабына өзгеріс енгізді. Бұл туралы өзбек парламентінің жоғары палатасы сайтында хабарланды.
Өзгертулер Конституцияның 80, 93, 108 және 109 баптарына енгізілді. Мәселен, 80-бапқа енгізілген өзгеріс бойынша, Олий Мәжіліс Сенатының Мемлекеттік табиғат комитеті төрағасын тағайындау және қызметтен босату, сондай-ақ оның есебін тыңдау құзыретін жоюды қарастырады.
Заңның 108 және 109-баптарына енгізілген өзертулер бойынша, Конституциялық соттың құзыреті күшейеді.
Ресми хабарға сәйкес, мұндай өзгерістер мен толықтырулар елдегі демократиялық процестерді “одан сайын нығайтуға қызмет етеді”.