Министр Қытайдағы қазақтар туралы сыбысқа қатысты пікір білдірді
Қытайдағы қазақтар шекара асып, сапарлауға ресми құжат және төлқұжатты қолға алуда қысым көріп отыр деген мәліметті Қазақстанның сыртқы істер министрлігі мұқият тексеріп жатыр.
Бұл туралы ҚР Сыртқы істер министрі Қайрат Әбдірахманов мәлімдеді, – деп хабарлайды Tengrinews.kz.
“Біз ҚХР-дағы қазақтардың, нақтырақ айтсақ, Ұйғыр автономиялық округіндегі Синцзянда шекара асып, сапарға шығарда ресми құжат алуда қиындықтарға тап болып жатқанын анықтадық, КХР-да мемлекеттік қызметте жұмыс істейтіндердің төлқұжат алуында белгілі бір қиындықтарға тап болып жатқанын білдік. Бұл мәселелерді біз мұқият тексеріп, сараптаудамыз, сондай-ақ, мәселені қытайлық әріптестерімізбен талқылап жатырмыз. Біздің СІМ-ге ресми тәртіппен түскен өтінішті назарсыз қалдырмаймыз”, – деп сендірді министр.
“Қазақ диаспорасының шекарадан тыс жердегі мүддесі әрдайым сыртқы саяси қызметіміздің назарында. Құқықтың тапталуы туралы қандай да бір мәлімет түссе, біз осы мәселелерді Қытай тарапының алдында көтереміз. КХР-мен ресми үкіметаралық деңгейде қарқынды диалог бар”, – деп атап өтті Әбдірахманов.
Алайда,
министр Қытайда қазақтар қуғындауға ұшырап жатыр деген мәліметті жоққа шығарды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе