“Міндетті түрде қарыз алады”. Нығматулин Қаржы министрін сынап тастады
Қаржы министрі қарыз алып қарамағындағы қызметкердің жұмысын шетелдік сарапшыларға бағалатқан. Есеп комитетінің мәліметінше, Бақыт Сұлтанов АҚШ, Еуроодақтан арнайы мамандар шақыртып, полиграфологиялық зерттеу жүргізеді екен. Бүгін Мәжілісте есеп берген Есеп комитетінің басшысы министрге ескерту жасады.
Бұл туралы КТК арнасы хабарлайды.
“Біз министрліктегі түрлі зерттеулер мен халықаралық сарапшыларға жұмсалған бюджет қаржысын тексердік. Бір-біріне ұқсайтын зерттеулердің құны әртүрлі болып шықты, кейбірі 60 есе қымбат”,- деді Есеп комитетінің төрағасы Наталья Годунова.
“Министрлікте маман жетеді. Жоқ, сіздер міндетті түрде жоғары пайызбен қарыз алып, халықаралық сарапшы шақыру керексіздер. Кейін ол берешекті қалай қайтарасыздар?
Бақыт Тұрлыханұлы, қызметкерлеріңіздің жұмысын өзіңізден артық кім бағалай алады?”,-деді Нұрлан Нығматулин.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе