Міндетті медициналық сақтандыру бойынша көмек көрсету мерзімі 2020 жылға шегерілді
Қазақстанда міндетті медициналық сақтандыру шеңберінде медициналық көмек көрсету мерзімі 2020 жылға қалдырылды.
Бұл туралы ҚР Денсаулық сақтау министрлігінің баспасөз қызметі хабарлады.
“Міндетті медициналық сақтандыру жүйесінде заңнамалық өзгерістер қабылданды, соған орай медициналық көмек көрсету мерзімдері және жеке тұлғалар мен мемлекеттің жарна төлеуі 2018 жылдың 1-қаңтарынан 2020 жылдың 1-қаңтарына қалдырылды”, – делінген министрліктің сайтында жария етілген хабарламада.
Міндетті әлеуметтік медициналық сақтандыру туралы заң Қазақстанда 2015 жылы қабылданған. Сол кезде Әлеуметтік медициналық сақтандыру қоры құрылған болатын, оған ақша аудару 2017 жылдың шілдесінен басталды, ал бұл жүйенің өзі 2018 жылдан бастап іске қосылуға тиіс еді.
Алайда биыл қыркүйек айында президент Нұрсұлтан Назарбаев МӘМС енгізуді асықпауға шақырды, өйткені өздерін жұмыспен қамтыған 2,7 миллион адам медициналық сақтандырудан тыс қалып қалуы ықтимал болатын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз